മലര്വാടി ജി.സി.സി മെഗാ ക്വിസ് ഗ്രാന്റ് ഫിനാലെ: ദുബൈ, അബൂദബി, കുവൈത്ത് ടീമുകള് ജേതാക്കള്
മനാമ: വിജ്ഞാനത്തിന്െറയും
വിനോദത്തിന്െറയും വിസ്മയ പ്രപഞ്ചം തീര്ത്ത മലര്വാടി ജി.സി.സി മെഗാ ക്വിസിന്
പ്രൗഢോജ്വല പരിസമാപ്തി. ബഹ്റൈന് കേരളീയ സമാജം ഡയമണ്ട് ജൂബിലി ഹാളില് നടന്ന
ആവേശകരമായ ഗ്രാന്റ് ഫിനാലെയില് കിഡ്സ് വിഭാഗത്തില് ദുബൈയിലെ രാഹുല്രാജ്, സൂര്യ കൃഷ്ണ ടീം 180 പോയിന്റുകളോടെ ജേതാക്കളായി. സബ് ജൂനിയര് വിഭാഗത്തില് അബൂദബിയുടെ ദേവിക
രമേശ്,
റാസി അബൂബക്കര് ടീം 325 പോയിന്റ് നേടി ഒന്നാം സ്ഥാനത്ത് എത്തി. ജൂനിയര്
വിഭാഗത്തില് കുവൈത്തിലെ മുഹമ്മദ് ബാസില് ഹബീബ്, മുഹ്സിന് മുസ്തഫ ടീം 140 പോയിന്റുകളോടെ
ജേതാക്കളായി. ഡോ. ജി.എസ്. പ്രദീപായിരുന്നു ആറ് മണിക്കൂറോളം നീണ്ട ഗ്രാന്റ്
ഫിനാലെയുടെ അവതാരകന്.
കുരുന്നു പ്രതിഭകളുടെ മിന്നലാട്ടം കണ്ട മലര്വാടി ജി.സി.സി മെഗാ ക്വിസ് ‘ഗ്രാന്റ് ഫിനാലെ’ വിജ്ഞാനത്തിന്െറയും വിനോദത്തിന്െറയും മാസ്മരിക പ്രപഞ്ചം തീര്ത്തു. അവതാരകന് ക്വിസ് കുലപതി ഡോ. ജി.എസ്. പ്രദീപ് തൊടുത്തുവിട്ട ചോദ്യ ശരങ്ങള്ക്ക് കുരുന്നുകളില്നിന്ന് ശരവേഗത്തില് ഉത്തരങ്ങള് ഒഴുകി. കിഡ്സ്, സബ്ജൂനിയര്, ജൂനിയര് വിഭാഗങ്ങളില് വിവിധ റൗണ്ടുകളിലായാണ് ക്വിസ് ചിട്ടപ്പെടുത്തിയത്. പരമ്പരാഗത ശൈലിയില്നിന്ന് വ്യത്യസ്തമായി കുരുന്നുകളെ പറഞ്ഞു പഠിച്ച പാഠങ്ങള്ക്കകത്തുനിന്ന് പറയാതെ പഠിച്ച വൈജ്ഞാനിക പ്രപഞ്ചത്തിലേക്ക് ആനയിച്ചു.ഡോ. ജി.എസ്. പ്രദീപിന്െറ ജിജ്ഞാസ നിറഞ്ഞ ചോദ്യങ്ങളും വിവരണങ്ങളും സദസ്സിനെ ആറ് മണിക്കൂറോളം വൈജ്ഞാനിക ലോകത്ത് പിടിച്ചിരുത്തി. ഇടവേളകളുടെ വിരസതയകറ്റാന് കലാ പ്രകടനങ്ങളും അരങ്ങേറി. ചോദ്യത്തിന് ഉത്തരം പറയാനുള്ള സമയം തിട്ടപ്പെടുത്താനുള്ള അധികാരം അവതാരകന് സദസ്സിന് നല്കി. മത്സരാര്ഥികള്ക്ക് അറിയാത്ത ഉത്തരങ്ങള് പറയുന്ന സദസ്യര്ക്ക് മധുരം സമ്മാനിച്ചു.
വെള്ളിയാഴ്ച, ജനുവരി 27, 2012 |
ലേബലുകള്:
വാര്ത്തകള്
മലയാള ഭാഷയെ മറക്കരുത് -സിപ്പി പള്ളിപ്പുറം
മനാമ: പ്രവാസ ജീവിതത്തിനിടയില് നമ്മുടെ ഭാഷയായ മലയാളത്തെ മറക്കരുതെന്ന് പ്രമുഖ ബാല സാഹിത്യകാരനും മികച്ച അധ്യാപകനുള്ള ദേശീയ അവാര്ഡ് ജേതാവുമായ സിപ്പി പള്ളിപ്പുറം പറഞ്ഞു . "മലര്വാടി ബാലസംഘം " നല്കിയ സ്വീകരണത്തില് സംസാരിക്കുകയായിരുന്നു അദ്ദേഹം.പരിപാടിയില് അദ്ദേഹം ധാരാളം മലയാള കഥകളും കുഞ്ഞു കുഞ്ഞു കവിതകളും പാടി കുട്ടികളുടെ മലയാള നാട്ടിലേക്ക് കൂട്ടിക്കൊണ്ടു പോയി..
മെഗാ ക്വിസ് മേഖലാ തല വിജയികളെ പ്രഖ്യാപിച്ചു
തിങ്കളാഴ്ച, ജനുവരി 02, 2012 |
ലേബലുകള്:
വാര്ത്തകള്
ബഹറിനില് ഇന്ത്യന് സ്കൂള് ഇസാ ടൌണില് വെച്ച് നടത്തിയ മത്സരത്തിലെ വിജയികള്..
ആറു ഗള്ഫ് രാജ്യങ്ങളിലെ കാല് ലക്ഷത്തോളം കുരുന്നുകള് മാറ്റുരച്ച മലര്വാടി ജി.സി .സി. മെഗാ ക്വിസ്സിന്റെ രണ്ടാം ഘട്ട വിജയികളെ പ്രഖ്യാപിച്ചു. ഡിസംബര് ഒന്പതിനു ദമ്മാം,റിയാദ്, ജിദ്ദ, ദോഹ, മനാമ, സലാല, കുവൈറ്റ്, മസ്കറ്റ്, ദുബായ്, അബുദാബി, എന്നീ പത്ത് മേഘലകളിലായി 100 പരീക്ഷാ കേന്ദ്രങ്ങളില് മത്സരത്തില് പങ്കെടുത്ത് മികച്ച പ്രകടനം കാഴ്ച വെച്ച തൊണ്ണൂറു കുട്ടികളുടെ ഫലപ്രഖ്യാപനമാണ് നടത്തിയത്
ഓരോ മേഖലായില് നിന്നും കിഡ്സ് സബ് ജൂനിയര് ജൂനിയര് വിഭാഗങ്ങളില് ആദ്യ മൂന്ന് റാങ്കു നേടിയവരുടെ പേരുകള് ആണ് പ്രഖ്യാപിച്ചത് .. ഒന്നും രണ്ടും സ്ഥാനങ്ങള് നേടിയ വിജയികള്ക്ക് അടുത്തമാസം നടക്കുന്ന ഗ്രാന്റ് ഫിനാലെയില് പങ്കെടുക്കാനുള്ള യോഗ്യതയുണ്ടാവും. അതേ സമയം മൂന്നാം സ്ഥാനമുള്പ്പെടെ മേഘലാ തല വിജയികള് സമ്മാനര്ഹാരായിരിക്കുമെന്നും സംഘാടകര് അറിയിച്ചു
ദുബായില് നടക്കുന്ന ഗ്രാന്റ് ഫിനാലെ ക്വിസ് മാസ്റ്റര് ഡോ. ജി. സ്. പ്രദീപ് നേരിട്ടായിരിക്കും നിയന്ത്രിക്കുക. കഴിഞ്ഞ രണ്ടാഴ്ചയായി സജീവമായി നടന്നു വന്ന കേന്ദീകൃത മൂല്യ നിര്ണയങ്ങള്ക്കൊടുവിലാണ് ആദ്യ മൂന്ന് റാങ്കുകാരെ കണ്ടെത്തിയത്. കല, സാഹിത്യം, സംസ്കാരം, മതം, പൊതു വിജ്ഞാനം തുടങ്ങി വിവിധ മേഘലകളിലായി മൊത്തം 30 ചോദ്യങ്ങളായിരുന്നു രണ്ടാം റൌണ്ടില് ഉണ്ടായിരുന്നത്. 20 മത്സര ചോദ്യങ്ങള്ക്ക് പുറമെ 10 ടൈ ബ്രേകര് ചോദ്യങ്ങള് ഉള്പ്പെടുത്തിയായിരുന്നു ചോദ്യങ്ങള് ക്രമീകരിച്ചത്. മത്സരാര്ഥികള് മികച്ച പ്രകടനമാണ് നടത്തിയിരുന്നതെന്ന് സംഘാടകര് അറിയിച്ചു. ഒന്നാം ഘട്ടമായ ഓണ്ലൈന് റജിസ്ട്രഷനില് പങ്കെടുത്ത അര ലക്ഷം വരുന്ന മത്സരാര്ഥികളില് നിന്നാണ് രണ്ടാം ഘട്ട വിജയികളെ കണ്ടെത്തിയിരുന്നത്. സാങ്കേതിക സൌകര്യങ്ങള് ഉപയോഗപ്പെടുത്തി മലര്വാടി ഗള്ഫിലെ മുഴുവന് കേന്ദ്രങ്ങളിലും ഒരേ സമയം ഒരുക്കിയ മെഗാ ക്വിസ് വന് സ്വീകാര്യതയാണ് നേടിയത്. ഫൈനല് വിജയികള്ക്ക് ഒരു ലക്ഷം രൂപവീതം മൊത്തം 15 ലക്ഷം രൂപയുടെ സമ്മാനങ്ങളാണ് മലര്വാടി മെഗാ ക്വിസ് വിജയികള്ക്ക് നല്കുന്നത്. മത്സര വിജയികളെ കുറിച്ചു കൂടുതല് വിവരങ്ങള് www.malarvadionline.com വെബ് സൈറ്റില് ലഭിക്കും.
ഇവിടെ ബഹറിനില് ഇന്ത്യന് സ്കൂള് ഇസാ ടൌണില് വെച്ച് നടത്തിയ മത്സരത്തിലെ വിജയികള്..ഒന്ന് രണ്ടു മൂന്നു സ്ഥാനക്രമത്തില്
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)